Birdir, xatire Şiiri - Sevinc Arzulu

Deyirlər böyükdür dəvə də fildən,
Ayrılıq fərqlənmir düşgün səfildən.
Bu axşam qapımı döyüb qəfildən,
Nədən açan kimi girdin, xatirə

Vüsalı doyunca süzəmmirəm ki,
Həsrəti ağırdır, dözəmmirəm ki,
Iki əsr olar, çözəmmirəm ki,
Pərdəyə bürünmüş sirdin, xatirə.

Xəyallar ağlımı əldən alıbdır,
Kədər də yolunu bizdən salıbdır.
Dünyamız yamanca çaş-baş qalıbdır,
Mənimçün hamısı birdir,xatirə.