Bir Söz Şiiri - Yorumlar

Yunus Emre'nin 'izleri' ve 'etkisi' görülüyor Şairimizde.Kutluyor,başarılarının sürekliliğini diliyor,saygı,sevgi ile muhabbetlerimi sunuyorum. Dostlukla.(MŞ).

Itmiş kimiyəm

Mən ki zülmət gecələrdə azıb itmiş kimiyəm,
Öz yanımdan da gözüm görməyib ötmüş kimiyəm

Necə dərin yara vursan da mənə ağrısı yox,
Yaramı özgə öpüşlərlə keyitmiş kimiyəm,

Demə buzdur ürəyin, məndə ürəkdən yox əsər,
Onu bir isti xəyanətdə əritmiş kimiyəm.

Nəfəsimdə daha əvvəlki odu axtarma,
Baxma yanındayam, amma elə getmiş kimiyəm.

Əbədi musiqi yox, mən də sənin ömründə
Qəmli bir mahnı idim ki daha bitmiş kimiyəm.

Olduğundan ki böyük zənn eləmişdim səni mən,
Ondan ötrü sənə dünyanı dar etmiş kimiyəm.

Söyləmə dərdini Fəhmi, bilirəm hər şeyi mən
Deməmişdən elə zənn eylə eşitmiş kimiyəm.

Ilqar Fehmi

Aruz

Dünya qəmini, vaxt ola, çiynimdən atardım,
Getsəydi, bu dünyanı beş-on şeyrə satardım,
Dünyanı beş-on şeyrə satardım
və yatardım.

Səndən qaça bilsəydim əgər, sənsiz həyatı
Əvvəl acı dərman kimi ehmalla dadardım,
Dərman kimi ehmalla dadardım
və udardım.

Bir qırmızı paltarlı qadınçün gecə yarı
Bir qırmızı yanğıyla yuxumdan oyanardım.
Yanğıyla yuxumdan oyanardım
və yanardım.


Son dəfə mənimçün gözünün yaşı axardı,
Göz yaşını son dəfə öpüşlərlə silərdim,
Son dəfə öpüşlərlə silərdim
və ölərdim.

Bir gün səni də yadlara xoşluqla verib mən
Sonra durub ardınca xəcalətlə baxardım,
Ardınca xəcalətlə baxardım
və baxardım.

Ilqar Fehmi

Bu gecə

Gedirəm, gözlərimi bağla mənimçün bu gecə
Yoxdu bir ağlayanım, ağla mənimçün bu gecə.

Soyuğam, öpmə üzümdən dodağın xəstələnər,
Gəl dəyiş yorğanı torpaqla mənimçün bu gecə.

Əcəl almış məni ağuşuna, yox fərqi daha,
Qoca dünyanın oyuncaqla mənimçün bu gecə.

Qəmi təklikdə yedin hər gecə məndən gizlin,
Doymusansa, azacıq saxla mənimçün bu gecə.

Ağlayıb yolma saçın, yox, eləcə yas saxla
Səs-səmirsiz dəli olmaqla mənimçün bu gecə.

Fəhminin ömrü bitir, bir də uzat əllərini
Son dəfə gözlərimi bağla mənimçün bu gecə.

Ilqar Fehmi

Əsərləri[redaktə]
Sənli sözüm gəldi sənə (şeir). 2000
Ölüm gözəldi, yoxsa sən? (şeir).2001
Yenə də qəzəllər (şeir). 2005
İlk sui-qəsd (Çənlibel tülküsü - 1-ci kitab) (roman).2005
Qarğa yuvası (Çənlibel tülküsü - 2-ci kitab) (roman).2006
Kölgədə əqrəb (Çənlibel tülküsü - 3-ci kitab) (roman).2007
Akvarium (roman).2006
Aktrisa (roman).2005
Aqvalanq (roman).2008
Bakı tarixindən kollaj (roman).2007
Karmen (povest).2005
Səndən nigaranam (povest). 2009
Maygülü (povest) 2013

PYESLƏR

Axırıncı qatar.2000
Krupye və Ulduz 2009
Tut ağacı 2010
Müsibəti-Fəxrəddin və... 2011
Son reportaj 2013
Zümrüd parıltısı 2013
Şahnamə 2014

KİNOROMANLAR

'Pejo 307' - 2008
Evtanaziya - 2009
Vampir - 2010
Filmoqrafiya[redaktə]
Qaydasız döyüş (film, 2009)] — (serial; ANS)
Hörümçək toru (film, 2011) — (ÇARX FİLM; Space TV)
Sirat körpüsü (film, 2007)
Məcnunlar (film, 2008) — (İTV)
100 000 AZN (film, 2009) — (tammetrajlı bədii film; İTV)
Ölüm növbəsi (film, 2009) — (tammmetrajlı bədii film. dövlət sifarişi)
Aktrisa (film, 2011)(tammetrajlı bədii film. dövlət sifarişi)
Çaqqal nəfəsi (film, 2012) — (çoxseriyalı bədii film; Kaspi Global)
Dərvişin qeydləri (film, 2013) — (tammmetrajlı bədii film. dövlət sifarişi)
Axirinci dayanacaq (film, 2013) — (tammmetrajlı bədii film; dövlət sifarişi)

Həyatı
İlqar Fəhmi 1975-ci ildə Bakı şəhərində anadan olub. Bakının Zirə kəndindəndir. 1992-1997-ci illərdə Bakı Dövlət Universitetinin hüquq fakültəsində təhsil alıb. 1995-ci ildən bədii yaradıcılıqla məşğul olur. 8 kitabı dərc edilib, 2002-ci ildə 'Axırıncı qatar' ('İtlər') pyesi Cənnət Səlimova tərəfindən səhnələşdirilib, 'Ölüm növbəsi' (2009, rejissor Fikrət Əliyev), 'Aktrisa' (2010, rejissor Rövşən İsax), 'Dərvişin qeydləri' (2011-2012, rejissor Eldar Quliyev) və başqa ssenariləri dövlət sifarişiylə ekranlaşdırılıb. 2003-cü ildə Azərbaycan Gənclər, İdman və Turizm Nazirliyinin 'İlin ən yaxşı gənc şairi' mükafatına, 2007-ci ildə 'Rəsul Rza' ədəbi mükafatına, 2008-ci ildə Rusiyada MDB ölkələri gənc şairləri arasında keçirilən Poeziya yarışının diplomuna, 2011-ci ildə isə 'Bakı tarixindən kollaj' əsərinə görə 'Humay' mükafatına layiq görülüb.

Onun romanı əsasında çəkilən 'Aktrisa' filmi 2011-ci ildə Kann kimofestivalında ilk dəfə Azərbaycan pavilyonunun açılışında nümayiş etdirilib.

Əsərləri bir çox xarici ölkələrdə nəşr edilib.

Hazırda Azərbaycan Yazıçılar Birliyinin tərcümə seksiyasının rəhbəri və 'Ulduz' jurnalının baş redaktor müavinidir.

Selamlar. Şair dilini susturmuş şiiriyle konuşuyor. Güzel söz olmuş şiiri; güzel sözün gözleyen ruhların duasına affola günahları.

güzel ve anlamlı,üstadı kutlarım.eyvallah

bir sözün, hemde güzel bir sözün insan hayatındaki etkilerinin ne kadar önemli olduğunu bir kez daha hatırlamış olduk. o söz , rabbi tarafından ey kulum affettim seni olursa, işte o zaman dünyada onun olur. ahirette onun olur.

güzel bir azeri türküsü olur