Bir Kerem Şiiri - Sevinc Arzulu

Həsrət, hicran əhatəsin genişlər,
Əbədidir bu gəlişlər,gedişlər.
Məhv olubdur çoxdan zalım keşişlər,
Bu dünyada qalan Əsli, bir Kərəm.

Payız gələr, külək başlar oyunun,
Görəcəksən ağaclar da soyunub.
Cəmi-cümü vardır üçcə qoyunum,
Bir əbrəşim, bircə kürəm, bir kərəm.

Zaman gələr azad olar torpağım,
Düşmənimə qalmaz ol Qarabağım.
Ucalıqda dalğalanar bayrağım,
Zirvədədir, daha enməz bir kərəm.