Bilerem Şiiri - Sevinc Arzulu

Ölürsən cəhənnnəm, öl söyləyirsən.
Günlərin birində ölə bilərəm.
Heç başa düşmürsən sən nə deyirsən,
Anamın taleyin bölə bilərəm.

Məni başa düşmür nə dost, nə yaxın,
Fikirlər beynimdə hey axın-axın.
Nə olar, üzümə diqqətlə baxın,
Gözümün yaşını silə bilərəm.

Alıbdır əlimdən fələk anamı,
Saçları gümüşü mələk anamı.
Bir anda apardı külək anamı,
Çətin ki bu dərdi gilə bilərəm.

Apacı duyğudan içim islanır,
Sanki dəmirdənəm, könlüm paslanır.
Atamsız şad gündə qəlbim yaslanır,
Dəqiqə zamanı ilə bilərəm.

Bu qədər əzabçun doğulmuşam mən,
Hisslərin içində boğulmuşam mən.
Nə vaxtsa şəkərli noğulmuşam mən,
Dərdimi gətirrəm dilə, bilərəm.
08.02.2015