Bıko Şiiri - Lace Weli

BIKO

Zerre mı, je page zeberiyo
Derde dina je qhurce erciyo peser
Bıko, mıra chı pers kena
Piye mı 38 de gına cı
Ma, surgın kerdime
Maa mı ğeribiyede merde
Bıko mıra chı pers kena?

Na dina serde chı mıllet ama şı
Chenda rei roc cera
Şındore dugelo chenda rei vuriya
Na dinade chı bi chı nebi
Bıko-bıko, awake ma diye, kam diye?

Ez domono new serri biyo
Esker ama koye Çerxat i
Ma gerisa pe Xonzare'de biyme
Mı chımone xora di
Najniya mı Xece, domone xuye sawi
Xo dest xenekıt kê
Wesa wes dısmeni dest me kuyo.

Bıko; mıra chı pers kena?
Ez je hegaye chırpozo
Na dinara bezaro
Be jaro, be sıtaro
Je mura be thamo
Je helli teynawo
Je Mecnun-i xeğo
Je Kerem-i veso
Je Usene Kerbela-i tesono

Bıko mıra chı pers kena
Zerre mı je page zeberiyo
Bıne dina xaxudo
Serexo puxonuko
Dest kenacı vıracena
Terteley vecine rıcına

Bıko; mıra chı pers kena
Ez tore chı qeseyker
Mıra chı pers kena?