Bihara Welatê Me Şiiri - Mehmet Çobanoğlu

Bihara me gul û gulbik berhev kir
Welat geşkir û şadimanî tev kir
Bi jiyaneke xwezayî û rind ve
Deşt û zozan bi derdor pir şên kir

Bihara me cemed û qeş tev hel kir
Bi sur û seqem tevî hev rê kir
Rojhilat ê heya heta rojavyê
Deryê jiyanekî jî me re vekir

Di bihara de gul û sosin vebûn
Ser axa me lîloz, nêrgîz diyar bûn
Ceh û genim, gadane simbil dan
Pepûle û gosan bi hev re şa bûn

Di walatê me de demsal bû bihar
Baran barî çem kişîya zelal û gihar
Êdî kew û kevokan re dem cejn e
Di dor de ne pîsî ma û ne zehar

Di axa me de sêv, hirmî pir xweşin
Di baxê me de dar û tirhên geşin
Gul û gulpikên me neçilmîsinin
Hinek ji wan şîlan hinek binefşin

Di xozanan, zozanan de pez diçêrin
Keç ji avê tên milên wen de çêrin
Çavên wen kil in û lêvên wan sorin
Navê wan û eslê wan veneşêrin

Warên me tevçem, robar, gol û deşt e
Hemû der kortal, beroj, lat û beşt e
Welat ême her dem pir rengîn e
Axa wî zêr û zîv e bi xweş tişt e

13.06.2014
Stenbol