Bermalîya Min Şiiri - Mehmet Çobanoğlu

Dijî bahatinê kezîyên xwe bernede
Agirê û şewata dilê min jî tevnede
Ew tilîyên xwe kubar, nazik biparêze
Destê bihineyî kort û çalan venede

Lê bûkê qîza welatê me dotmama min
Dayîka zarokên xwen gula nav mala min
Lê devkena min şewq û şewla heyverona
Dîsa carek din destê xwe bide destê min

Lê bejn bilinda min, nêz were kêleka min
Çavreşa min bi awirên melûl mede min
Delalê, dil te dixwaze dil te hez dike
Bi kerema xwe ramûsanekî bide min

Xanimê evîna min ez heyrana te me
Ji bo te ez tim dînîm ez dîwane me
Firqetî mirine û dilşadî nade min
Lê hesreta min kesera min ez rêwî me

Delalîya min bermalîya min rinda min
Dilxweşîya min şêrîna min were ba min
Ez li rojekî ji vê dinê barkim herim
Ken û bi henekan were li ser gora min

22.03.2016
Stenbol