Ben yeri Şiiri - Sevinc Arzulu

Gen yolları daraldar,
Dərd canımı saraldar.
Eh, qanımı qaraldar,
Naxışında qəm yeri.

Nə balaca,törəsən,
Güldən çələng hörəsən.
Qorxuram ki görəsən,
Qalxışında kəm yeri.

Dualar göyə gedər,
Ilahi haya yetər.
Quru torpağı edər,
Yağışında nəm yeri.

Dənizdən sevgi uman,
Mavi sulara cuman.
Gözlərində göy duman,
Baxışında çən yeri.

Gah şimşək tək çaxaraq,
Gah su kimi axaraq.
Oğrun-oğrun baxaraq,
Yaxışında dən yeri.

Alışdır qəlb qorunu,
Yığışdır qəlp dorunu.
Görünür gün nurunun,
Axışında sən yeri.

Qurumasın gur çeşmən,
Dağlar, sönməsin eşmən.
Qarğışında xar düşmən,
Alqışında mən yeri.