Ben seni sevirim Şiiri - Sevinc Arzulu

Eh, aydın səmada ildırım çaxar?
Sevginin atəşi yandırıb yaxar.
Elə heyran-heyran dayanıb baxar,
Bülbül nalə çəkməz gül solmayanda.
Mən səni sevirəm sən olmayanda.

Yar gələn yollara töküb qar, ağart.
Dər ona ənam et moruq, qarağat.
Söyüdlər dayanar səssiz, farağat,
Küləklər saçını hey yolmayanda.
Mən səni sevirəm sən olmayanda.

Eşqə qurban getdi neçə növcavan,
Misralar acizdir, kəlmələr yavan.
Duyğular bulaqdır, təbimsə rəvan,
Şair necə yazsın qəlb dolmayanda.
Mən səni sevirəm sən olmayanda.