Yanmağa kömür verilmir,
Geyməyə dəmir verilmir.
Bilirsən ömür verilmir,
Sələmə, dostum, sələmə.
Böyüt qoç eylə quzunu,
Gün-gündən artır ruzunu.
Ümidsizliklə arzunu,
Bələmə, dostum, bələmə.
Yada düşsə əziz qardaş,
Gözlərinə dolacaq yaş.
Göydən yağış əvəzi daş,
Ələmə, dostum, ələmə.
Dünyada gördün nələr sən,
Kimləri qoydun mələr sən.
Yəqin yolda rast gələrsən,
Lələmə, dostum, lələmə.
Zərdən libas geydiyini.
Yalanlın duz yediyini,
Qarı düşmən dediyini,
Eləmə, dostum, eləmə.
16.06.2019
Kayıt Tarihi : 18.6.2019 18:59:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!