Bedewa Min Ne Ba Mine

Ji yarê ne name hat, ne jî xeber
Xemgînî, bêkesî derdê mine
Havîn û bihar jî hat, ji min re çi
Bedewa min, gula min ne ba mine

Li min de derfret, min de îmkan nema
Daxwazim, ew yar min re bibe derman
Havîn û bihar jî hat, ji min re çi
Ez ketim li nav van derdan, van xeman

Delal rabe were, ez bendî te me
Bi qesem bi sondan, ez te bîr nakim
Havîn û bihar jî hat, ji min re çi
Tu car bête ez dilê xwe şa nakim

Derdê min derdê bêzar, bêzimane
Keça delal û qemer ji min dûre
Havîn û bihar jî hat, ji min re çi
Sebra min nema, birîna min kûre

Rojane perîşanim, şerpezeme
Min qirîn min fîqane, ez xemgînîm
Havîn û bihar jî hat, ji min re çi
Ji bo yarê ez dînîm, ez bengînîm

Stenbol