Bêbext Şiiri - Mehmet Çobanoğlu

Dorhêl jî lat zinar bû
Bilbilan figan zar bû
Kale kal ket li berxa
Kewa firî jî gozel bû

Dora gund lat û pal
Fêza lata hemû mal
Me nihêrî yek hêlin
Nav de hêk,xirş,xal

Heval got dest nede
Helîn geşe lat perde
Nêzîk nebe can bira
Bêbextî neke li hêka

Ax û wax ket li xewê
Fîgane,fîzan ket şevê
Agir û şewat li baran
Qîrîn,qajîn ket kewê

Heval Tacdin bibore
Xapandin ne tu kare
Nezanîn bû paramin
Ez kor bûm û bêçare

Xayintî kir min heval
Min xapand te heval
Ro çû ava li ber êvar
Me got em diçin mal

Şev bû lo dorhêl tarî
Baran,şilî û mij barî
Li hatim û ser helînê
Kewa tirsîya xwe firî

Erd herî,ling jî teqîzî
Kevirek jî min qelîbî
Bêbextî qe tu nebaşe
Hêk şikest min zelîqi

Ketim zinar û newala
Mîna bêşala,bêşekala
Wek dizan li neyaran
Bêrûmet lo bêbextan

04.09.2007
Yildirim