Bê Te Nabe Zû Were Şiiri - Mehmet Çobanoğlu

Lê qemerê lê bedewê keçê can
Perîdota evîna nagihanî
Tu şêrînî tu ronî yî gula şan
Tim şewq û şemala tev stêrkanî

Lê canê kinc sora min, bejn ziravê
Dil tenik, diran mircan were ba min
Heyrana ew şara li serê te me
Te dixwazim awirê xweş bide min

Dildayî ya xala ser lêva te me
Tu gula nav dilanî evîna min
Mîna ava kanîyan pir zelalî
Rinda minî, dilevîna canê min

Birîreşê min re bêje xortê min
Xwe nîşan de, min re bêje ez virim
Bedewî ya bedewan bi te re ye
Bê te nabe zû were, ez bimirim

03.06.2016
Stenbol