Bayatılarsine-sine Şiiri - Sevinc Arzulu

Divarı nəm apardı,
Kədəri qəm apardı.
Sorma, hanı ürəyim,
Taleyi kəm apardı.

Tar-kaman kimə düşdü,
Gözlərim simə düşdü.
Səninlə görüşməyim,
Yaman tilsimə düşdü.

Dağlarda kəklik olar,
Qayada bərklik olar.
Əzizim, qəlbi sıxan,
Tənhalıq, təklik olar.

Dağların sinəsinə,
Gül əkdim sinəsinə.
Mən kədərdən qaçırdım,
Qəm gəldi sinə-sinə.

Gözün gülümə düşdü,
Zərif tülümə düşdü.
Sən getdin, mənsə qaldım,
Yaman zülümə düşdüm.

Kür-Araz hədər axar,
Dənizə qədər axar.
Damardan qan yerinə,
Qəm axar, kədər axar.

Ayrılıq sitəm oldu,
Həsrət qəm qitəm oldu.
Hamıyçun şirin olan,
Mənə acı təm oldu.