Baxışı yox, neyneyim Şiiri - Sevinc Arzulu

Sevgi adlı labirintə düşmüşəm,
Girişi var, çıxışı yox, neynəyim.
Bu yolda nən qəm ilə ötüşmüşəm,
Enişi var, yoxuşu yox, neynəyim.

Dərd qarşımda bir keçilməz qayadır,
Həzin nəğmə xoş xatirə oyadır.
Ömür yazım nədən belə sayadır,
Alabəzək naxışı yox, neynəyim.

Rastlaşarıq biz yəqin Allah kərim,
Təkcə sənlə görüşməkdir dərd-sərim.
Başım üstdə uçsa da ilham pərim,
Təbəssümlü baxışı yox, neynəyim.