Baxırsan neyçün Şiiri - Sevinc Arzulu

Üz-üzə gələndə salam verib keç,
Ya onu sev, ya da məni.Özün seç.
Mən quru palçığam, yapışmaz ki heç,
O şəri,böhtanı yaxırsan neyçün.

Baş əyməzdin iradəyə, dözümə,
Isinərdin işıldayan közümə.
Baxmaqla doymazdın ala gözümə,
İndisə yanakı baxırsan neyçün.

Qəlbimlə döyünən ürək deyilsən,
Arzu-kam deyilsən, dilək deyilsən.
Ildırım deyilsən, şımşək deyilsən,
Sərin yaz axşamı çaxırsan neyçün.

Bir vaxt qəlb sızladan qəmli ney ikən,
Səsimə səs verən haray, hey ikən.
Hamıya şipşirin dadlı mey ikən,
Mənə turş dad verən çaxırsan neyçün.

Qiymətli incimdin, ləlim idin sən,
Xeyirim idin sən, bəlim idin sən.
Əvvəlllər çox sakit, həlim idin sən,
Çağlayan Kür təki axırsan neyçün.