Sevinclə, sevgiylə hey dinən ürək,
Köksümün altıdır al binən, ürək.
Sənin varlığına sevinən ürək,
Qəfil yoxluğuna alışar çətin.
O qum saatıdır düz göztərməyən,
Rənglərə qarışan iz göstərməyən.
Fələyə heç zaman üz göstərməyən,
Taleyin oynuyla barışar çətin.
Həsrət dənizində ada olanlar,
Hicrana naz-qəmzə, əda olanlar,
Məhəbbət yolunda fəda olanlar,
Əsrin ölüsünə qarışar çətin.
05.12.2018
Kayıt Tarihi : 5.12.2018 20:13:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!