‘Baharlu’ Şanlı Elimdir

O dövran ki döğüşlerle
Qılınclar böldü dünyanı
İran'da Türk ocağından
Quruldu Mad'ın bünyanı
Qılınclar hey kesib biçdi
Zaman sel tek gelib geçdi
Düşenler yüklenib köçdü
Bıraxdı xalqa dünyanı
Aşıb dünyanı sellerle
Qoşuldum şanlı ellerle
Dumanlı, daşlı yollarla
Gelib tapdım Hemedan'ı
Soruşsan eslim Türk'em
’Baharlu’ şanlı elimdir
’Bahar’ım cismdir cana
Dilim de cismimin canı
Nijadım yirmi dörd tayfa
Quzeyden gelmiş İran'a
Babam tarixin istersen
Dolan axtar ‘Oğuz Xan’ı
‘Baharlu’ bir bulaqdır ki
Düşüb ayrı denizinden
Coşar ta solmasın heç vaxt
Bahar'ın bağı bostanı
Her insanla vetendaşam
Veliken ‘Türk’ e qardaşam
Her ağlar gözde qan yaşam
Güvahımdır ürek qanı