Bağışlayıb Şiiri - Sevinc Arzulu

Bahara boylanan al gülümüz var,
Səhrada saralan sünbülümüz var.
Eh, yaman dəyişkən iqlimimiz var,
Payız çiçəkləyir, yay yağışlayır.

Vuruldum dalğalı göy Xəzərinə,
Görüm gəlməyəsən xar nəzərinə.
Bu qədər sevinci yer üzərinə,
Ayaz çisəkləyib, ay naxışlayıb.

Xətrinə dəyəndə” buz” söylədiyin,
Kefini açanda 2duz” söylədiyin,
Bir zaman “Qaraca qız” söylədiyin,
O qız göyçəkləyib, pay bağışlayıb.