Bağışla meni Şiiri - Sevinc Arzulu

Qırmızı qan olub damarda axdın,
Hicrinlə qəlbimi odlayıb yaxdın.
O qara gözlərlə necə də baxdın.
Yandırdın atəşin baxışla məni.
Bağışla əzizim, bağışla məni.

Bilirəm, tapılmaz dərdimə əlac,
İlahi, sən özün sevənə yol aç.
Başıma qoyuldu kədər qaşlı tac,
Bəzədin ömrümü naxışla mənim.
Bağışla əzizim, bağışla məni.

Könlümdə bitibdir həsrət çiçəyi,
Başımın üstündə ilham mələyi.
Yenə də əsir bax hicran küləyi,
Qarşılar təbiət yağışla məni.
Bağışla əzizim, bağışla məni.