Bagerên Dojehî Şiiri - Mahsum Solmaz

Bobelata bagerên dojehî li ser min de hat, gula min
Dilê min bû behreke tije derd û keser
Niha hemû qaqlîbaz li ser behra xemên min zarînê û qajînê dikin
Ev şev, hêvî li cem min xwe vedişêrin

Bibêje dilê min !
​Tu niha ji bo kîjan esmanî dibişire
Ez di nav dojehên ramanan de niha dixenikim tenha û bêdeng;
sermaya bi hezar salî li ser jiyana min nebarîne
Dil û hiş li hemberî sermaya te diqefile
Tu neçilmisîne ev gula di nav dilê min

Çivîkên di sînga min de ji te gelekî bawer dikir yarê
Êdî çivîkên di sînga min de bêdengin
Dilê min bi şewateke kevnar dilorîne
û bêwate lêdide
Navê te di sînga min de weki xençerê dimîne.