Aziz Mahmud Hüdayi Şiirleri - Şair Aziz ...

Görüp anı o yola uğrayan der
Yeyen bilmezse bilir doğrayan der

Kim ki dünyâda li-vechi'llâh esir âzâd eder
Âhiretde ol dahi âzâd olup görmez keder

Şâkire Hak gerçi çok sevâb verir
Sâbire ammâ ki bî-hisâb verir

Dalâl ehli cihân içinde çokdur
Hidâyet olmayana çâre yokdur

Cism ü cânı Hazret-i Mevlâ'ya teslîm ede gör
Halik'ın fermânını sıdk ile ta'zîm ede gör

Hıdmet-i Hâlık'da olmak hûbdur
Tâ'atı Mevlâ kula mahbûbdur

Vahdet-i Hakk'a gel olma câhid
İnnema'llâhü ilâhün vâhid

Halvet ü uzletde eylersen karâr
Umulur müyesser ola vasl-ı yâr

Rahmetin bahrına gâyet mi olur
Lutf ü ihsâna nihâyet mi olur

Uyan gafletden ey gâfil nedir bu nevm-i gafletler
Şu zulmânî Stanbûla neden böyle muhabbetler