Ayrılıq zülümdedi Şiiri - Sevinc Arzulu

Ayrılığın xanəsi,
Qaradır hər danəsi.
Kədərin nişanəsi,
Ayımda, ilimdədi.

Yaralanıb qanadın,
Damcıları sanadın.
Əzizim, sənin adın
Eləcə dilimdədi.

Xatırla o xoş anı,
Məni gözümdən tanı.
Sorma ürəyin hanı,
Közərən külümdədir.

Gəl ey nazlı səhərim,
Nur bəzəsin şəhəri.
Vurğunuyam baharın,
Ətiri gülümdədi.

Yoldaş ol sədaqətə,
Ömrüm,düşmə zillətə.
Od qoymuşam həsrətə,
Ayrılıq zülümdədi.