Daha sular axın gəlmir,
Əvvəlki tək, baxın, gəlmir.
Gözlərimə yaxın gəlmir.
Qaçırtmısız yuxumu.
Dağa doğru sürünmüşəm,
Zirvəsində görünmüşəm.
Qızılgülə bürünmüşəm,
Duymurlar ki qoxumu.
Sarı bülbül tək ötməsin,
Yaxşılığın heç itməsin.
Nolar, bağımda bitməsin,
Ayrılığın gül toxumu.
Hicrana zaman verərəm,
Həsrətə kaman verərəm.
Tək sənə qurban verərəm,
Canım, varımı-yoxumu.
Ayrılığın üzün soy, çək,
Göz yaşından tezcə doy çək.
Tərəziyə bir-bir qoy, çək
Öyrən azımı, çoxumu.
04.05.2019
Kayıt Tarihi : 5.5.2019 07:58:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!