Ayrılığın baş terefi Şiiri - Sevinc Arzulu

Unut,dostum, nifrət-kini,
Eşq oxusun könül simi.
Çəkir məni maqnit kimi,
Gözlərinin yaş tərəfi.

Avam olur, fağır olur,
Ayaqları yağır olur.
Bilsən necə ağır olur,
Xəyalların “Kaş” tərəfi.

Şırıltıyla dağdan enər,
Sərt daşı, çınqılı yenər.
Bir andaca selə dönər,
Oksigenin “Haş” tərəfi.

Tapaq dərdin çarasını,
Bağlayaq qəm yarasını.
Əskik etməz qarasını,
Ziyafətin aş tərəfi.

Göz ağatrdım ələyimə,
Adın yazdım biləyimə.
Nədən düşdü taleyimə,
Tərəzinin daş tərəfi.

Hərdən sözlər içrə azır,
Qəlb söyləyir,qələm yazır,
Deyən çoxdan yerim hazır:
Ayrılığın baş tərəfi.