Ayıltmadın heç Şiiri - Sevinc Arzulu

Günəş oğruları sarıma çəkib,
Bəzən doğruları tarıma çəkib.
Bunca ağrıları canıma çəkib
Ayrılıq zalımı bayıltmadım heç.

Bilirsən, çox sevdim mən bu aləmi,
Ətirli gülləri, xallı laləni.
Unudub kədəri, unudub qəmi,
Sonuncu nidama qayıtmadım heç.

Həqiqət önündə susqunam, lalam,
Gözdən uzaq düşən təpəyəm, yalam.
Üzbəüz gələndə vermədin salam,
Yatmış xatirəni ayıltmadım heç.