Ay oğul Şiiri - Sevinc Arzulu

Ana qəlbi övlad üçün mayakdır,
Gecələr də dinclik bilmir, oyaqdır.
Nə yaxşı ki atan mənə dayaqdır.
Niyə belə namərd çıxdın, ay oğul.

Nahaq idin sən, haqq ilə döyüşdün,
Pis aşıq tək ustadınla döyüşdün.
Sən ananı bir gör kimə dəyişdin,
Şair könlü niyə sıxdın, ay oğul.

Indi mənə uzaq deyil ölüm də,
Asta-asta ləpələnir gölüm də.
Özgəsini yandırırdı çölüm də,
Iç dünyamı niyə yıxdın, ay oğul.