Ay İlqar Şiiri - Sevinc Arzulu

Mərddin silah başında,
Düşmənlə savaşında.
Iyirmi beş yaşında ,
Kama çatan olmusan.

Illər yerin dəyişər,
Zaman bizlə əyişər.
Qan-qadalı döyüşə,
Çox canatan olmusan.

Sinən üstdə qərənfil,
Bacın tək ağlar dil-dil.
Bahar qoxuluydu il,
Sən anadan olmusan.

Alınıbdır bax, öcün
Uzağa getdi köçün,
Həmişə anan üçün.
Sökülən dan olmusan.

Zəfər marşı çalınıb,
Qarabağ geri alınıb.
Yeni kəndlər salınıb,
Yaşıl ada olmusan.

Tanrı verdi pay, İlqar,
Harayıma hay İlqar.
Sağlığında ay İlqar,
Sevgi dadan olmusan.