Ay Delalê Min Nereve Şiiri - Mehmet Çoba ...

Te mircan xist nav gerdanê
Tu kulîlka ser deştanî
Keça kovî min nereve
Tu kewoka ber çemanî

Canê min jî min bixwazî
Ezê bidim, sewda minî
Ne nenasî, ne jî xerîb
Weleh xewna şeva minî

Ji hez û evîna te ye
Bi rojan e ez pey te me
Tîra eşq ê, dilê min ket
Birîndar ê sewda te me

Bawer bike, guman bike
Evîngerm î xweş jiyan e
Evîn ked be, hez rûmet e
Ji bo dilan mihrîvan e

Ji te mal û milk naxwazim
Were bibe hevdilê min
Ez te evîn, hez daxwazim
Wan awirên kel bide min

Sewda, evîn dil de xwşe
Ev çi leze ev çi reve
Rojane hêvîya te me
Ay dilberê min nereve

Mehmet Çobanoğlu
18.04.2022
Stenbol