Ay bextever Şiiri - Dr İlhame Müslümova

Ay qəlbimdə yatıb duran bəxtəvər,
Rahatdımı yerin, söylə, istimi?
Aşiq könlüm dərdin desin nə təhər?
Görmürsənmi, ay insafsız, tüstümü?

Yetər daha, ürəyimi köz etdin,
Bir balaca yanlışımı yüz etdin,
Elə dedim, belə dedim söz etdin,
Anlamadım doğrudumu , nəsdimi…

Cavan yaşda saçlarıma ağ çəkdin,
Düşmənlərin çörəyinə yağ çəkdin…
Gündə yüz yol bu bağrıma dağ çəkdin(((
Bircə dəfə o daş qəlbin əsdimi?

Adamı da belə üzmək olarmı,
Sevir deyə qırmaq , əzmək olarmı?
Bir bu qədər naza dözmək olarmı?
Daha məndə səbir yoxdu….bəsdimi?((

İndi daha peşmanlama yalandan ,
Görək sənə dərs olurmu olandan?
Dincəldinmi ayrılığı salandan?
Bu eşq bizdən ümidini kəsdimi?

Bir gün gələr…bürünərsən qaraya..
Çağırarsan….Gələn olmaz haraya….
Peşmanlığın çətin işə yaraya,
Ha bəzəsən gül çiçəklə üstümü …