Ax Ax Dinya Şiiri - Zandar Amari

Ax ax dinya dinyaya beredayî
Ax ax dinya ji kesî re nemayî

Ax ax dinya kesî başî jê nedît
Ax ax dinya kesî qencî jê nedît

Ax ax dinya dinyaya bi derbasî
Ax ax dinya qet kesekî nenasî

Ax ax dinya dinya cihê mêhvana
Ax ax dinya ti serwer lê nemana

Ax ax dinya dinyaya ne hêja ye
Ax ax dinya mirov jibo wê gêja

Ax ax dinya dinyaya bi serxweşî
Ax ax dinya dinyaka çi nexweşî

Ax ax dinya çi dinyaka qeşmerî
Ax ax dinya çi dinyaka serserî

Ax ax dinya dinya hemî belaya
Ax ax dinya dinya hemî xelaya

Ax ax dinya dinya cihê neqenca
Ax ax dinya dinya birîna qenca