Avqustun son günü Şiiri - Sevinc Arzulu

Sakit okeanda adalaşaq gəl,
Istəsən dostlaşıb qudalaşaq gəl.
Avqustun son günü, vidalaşaq gəl,
Altnış yaş yubileyim sinəndə qaldı.

Həsrətdən çırpınan könül səsiydi,
Məhəbbət elinin təranəsiydi.
Bir zaman qəlbimin şahzadəsiyidi,
Ürəyim ağ atı minəndə qaldı.

Üzümü tuturam qadir Allaha,
Könlüm qəm, gözüm nəm olmasın daha.
Qocalıb gedirəm üzü sabaha,
Cavanlıq çağlarım dünəndə qaldı.

Lil ilə dolubdur çayın axarı,
Bu selin olacaq, vallah, çıxarı.
Qaçaraq qalxmışdı üzüyuxarı,
Xəyalım zirvəni enəndə qaldı.

Yenə qan ağlayır tar ilə kaman,
Yenə də baş verir qəlbimə daman.
Aradan su kimi axsa da zaman,
Gözlərim yenə də,eh, səndə qaldı.