ATIŞMA Kumukça Şiiri - Kemal Oğuz

Anlamaysan kuyümden
Men getemen üyümden
Erüv bizat aytmadın
Getmedin heç suvumdan

Betime garay turup
Tartasan turup turup
Uyalmadan getesen
Ullu yalgan uydurup

Garama heç artımdan
Tasbolup get aldımdan
Süymeymen hali seni
Gaytarsam men gatınman

Heyler süymezsen süyme
Gaytıp gelme üyüme
Netesen açuv etip
Getme meni kuyüme

Hayyüvlük etip turma
Turgan yerde guturma
Oltur olturgan yerde
Meni onda geltirme

Hayyüv seni abandır
Hem aban hem atandır
Neteceksen gelgende
Aytganların yalgandır

Sen gurban bol abama
Yaman aytma atama
Gıçırtıp turma meni
betime de garama

meni süyüp alketip
Gıçırma gelip getip
Bide üstge çığasan
Her zatnı özün etip

Özüm ettim aşımı
Bit talağan başımı
Tola tola suv bolsa
Tazalamaz çaçımı

İyyedeşşey başına
İt garamaz aşına
Bolmağanın yahşidir
Yaşarman bir başıma