Atamın sevdiyi qadın. Şiiri - Sevinc Arzulu

Eşqini ucuz tutmadı,
Xatirəni uyutmadı.
Bir an belə unutmadı,
Dilində qalıbdır adın.
Atamın sevdiyi qadın.

Sakitim, dincim-çağırır,
Mirvarim, incim -çağırır.
Mənim sevincim-çağırır,
Qisməti oldun sən yadın.
Atamın sevdiyi qadın.

Rəsmin qəlbə nəqş edərdi,
Qəlb açmağa məşq edərdi.
Xoş duyğular bəxş edərdin,
Nədən oldun minor ladı,
Atamın sevdiyi qadın.

Atəşi,közü gülərdi,
Söhbəti, sözü gülərdi.
Qaraca gözü gülərdi,
Səndin şəni,səndin şadı.
Atamın sevdiyi qadın.

Təşəkkür et sən Xalıqa,
Dönmədin susuz balığa.
Öyrəşdinmi tənhalığa,
Indi kefin,de, əladı?
Atamın sevdiyi qadın.