Ata Şiiri - Sevinc Arzulu

Gəlib çatdın son mənzilə,
Sənə qurban özüm,ata.
Hansı əl göz yaşım silər.
Sənsiz necə dözüm,ata.

Yoxluğuna inanmıram,
Sədaqətdə sınanmıram.
Ayrılığa donammıram,
Hələ yanır közün,ata.

Hiss etmirəm,yaram isti.
Acı yellər yaman əsdi.
Ölüm qarşımızı kəsdi,
Hicran oldu bizim,ata.

Qəbrin üstdə gül bitsə də,
Ölüm vüsala yetsə də.
Hamının izi itsə də,
Itməyəcək izim,ata.

Sənsiz çətin dayanaram.
Şam tək oduna yanaram.
Həmişə səni anaram,
Budur sənə sözüm,ata.