Asê Şiiri - Mehmet Çobanoğlu

Navê keçê Asê ye
Xwe ji qîza Qers ê ye
Ez qurbana bejna wê
Enîya wê da şara wê

Ne xewne û ne xeyal
Asê şewqe û şemal
Jira bêjin şoreşvan
Xwe jî şêre û şervan

Asê Asê Asa me
Rabû ket nav şerê me
Şer jî şêrê me Romê
Biparêzên axa me

Asê me re şervan e
Her tiştan jî xweş zane
Him şervan him rêber e
Ser çîya ê Xerzane

Asê gula biharê ye
Di zozan, zeran de ye
Şara wê de ala me
Qedir, qîmet hêja ye

Asê şewqa sibê ye
Ro veda ronahî ye
Xwe jî me re xweş roj e
Xemla ser warê me ye

War û welat Kurdîstan
Asê Dêrsim û Batman
Munzur, Cudî, Elegez
Muş, Çewlîk û Tetwan

Asê xwişka Kurdan e
Her dem şerefa me ye
Bo şahî ya gelê me
Wele rabû soz da me

Asê şemla roja me
Bû rêberê gelê me
Jêra bêjin her bijî
Bijî bîjî Asa me

Asê keça Şewan’ê
Bi rojane ser pê ye
Milan de ala Kurdan
Kesk, sor û zer lê ye

Asê kela Mazgêrd ê
Heyveron serhad ê
Dengê gelê Kurdan e
Bilind bû li Amed ê

Asê jine jîyane
Adanî ya axa me
Qedir, qîmet hêja ye
Ronahîya warê me

Asê bêgef, bêtirs e
Ne girtî yê Rom'ê ye
Keleşek ser milandan
Şervanê me Kurda ye

Asê çilkê baranê
Barana behra Wan'ê
Herikî wek robaran
Barî ser Kurdistan ê

Rizgarîya Kurdan e
Meh jî meha Adarê
İro Newroz’a gele
Asê gula biharê

Dîlan e û şahî ye
Hewldana Kurdan e
Polis, leşker bizanin
Asê keça Kurdan e

Mehmet Çobanoglu
20.05.2002
Stanbol