Aralı gez Şiiri - Sevinc Arzulu

Heç bilmirəm nə tipsən sən,
Boş olmayan bir cibsən sən.
Deyən, yeni qripsən sən,
Aşkım, məndən aralı gəz.

Nə yaraşır bizə seyran,
Al çöllərə oldum heyran.
Üzə durub ahu-ceyran,
Qoşa buynuz maralı gəz.

Xoş ahəngli olamazsan,
Major zəngli olamazsan.
Hər vaxt rəngli olamazsan
Bir az da ağ-qaralı gəz.

Qaranlıqdan eymənib də,
Sonu çatdı heybənin də.
Umsunduğun meyvənin də,
Vaxtı keçər, saralı.Gəz.

Dərdə səbəbin deyiləm,
Dostun, həbibin deyiləm.
Daha təbibin deyiləm,
Get , könlündən yaralı gəz.