Apardı ölüm Şiiri - Sevinc Arzulu

Neçə gündür başımdan,
Çıxmayır nədən ölüm.
Nədir məni qorxudan,
Nədir çəkdiyim zülüm.

Yuxularım qarışır,
Nədən mənim hər gecə.
Yer ilə göy barışır,
Tənha qalmışam necə.

Dəfn eyləyin atamın.
Yanındaca məni siz.
Harayıma çatanım,
Darıxıb yəqin mənsiz.

Deyərsiniz bir zaman,
Burda şair yaşardı.
Əcəl vermədi aman,
Könülləri oxşardı.

Yaxınlarım,əlvida
Sağ ol çəməni.çölüm.
Vətənə edim vida,
Məni apardı ölüm.