Apara Şiiri - Sevinc Arzulu

Gəmirər içimi dadlı şübhələr,
Görən kiminlədir, görən təkmidir.
Gözümün önündə adlı lövhələr,
Haqqımda dediyi söz titrəkmidir?

Eh, saya oturmuş gəmi kimiyəm,
Sahilə atmışdır dalğalar məni.
Hələ də gözünün nəmi kimiyəm,
Imisti yağışlar yırğalar məni.

Ürəyim saralmış zəmidir, vallah
Yoxdur bir kimsəsi biçə, apara.
Könlümü incidən qəmidir, vallah
Qəlbimin qanını içə, apara.