Apar yanına Şiiri - Sevinc Arzulu

Bezmişəm dünyadan.bezmişəm daha,
Ay ata,gəl apar məni yanına.
İnamım yox mənim gələn sabaha.
Ay ata,gəl apar məni yanına.

Küsmüşəm dünyadan,küsmərəm səndən,
Könlüm ayrı düşüb güllü çəmənədn.
Niyə tez ayrıldın.niyə tez məndən,
Ay ata,gəl apar məni yanına.

Qəmli günlərimdə səni anıram,
Sənsizlik əlindən alovlanıram.
Dərd əlindən hey alışıb yanıram,
Ay ata,gəl apar məni yanına.

Ölüm haqdır.düzmü deyib atalar?
Atasız dünyanın nə mənası var.
Könlüm səni arar,gözüm axtarar,
Ay ata,gəl apar məni yanına.

Bircə bileydim ki nədir günahım,
Göylərə yüksəlir naleyi-ahım.
Təkcə səndin hər vaxt mənim pənahım,
Ay ata,gəl apar məni yanına.

Könlüm gülməz,qəlbim gülməz heç sənsiz,
Bu dünyanın toy-düyünü puç sənsiz.
Bir yol gülsəm.günahımdan keç,sənsiz.
Ay ata,gəl apar məni yanına.

Mən Sevincəm,bezmişəm bu dünyadan,
Bir yanım qanmazdır,bir yanım nadan.
Günahımdan keçsin məni yaradan,
Ay ata,gəl apar məni yanına.