Ötən günlərimin sapsarı izi,
Ömrün vərəqinə lövhələr çəkər.
Elə əsib coşar xəyal dənizi,
Sanki həyatıma ləl-gövhər əkər.
Bürünər taleyin tül pərdəsinə,
Uzaqdan qaranlıq saçıb da gedər.
Boylanıb qismətin pəncərəsinə,
Günəşi görəndə qaçıb da gedər.
Sınıq ürəyimin parçalarından,
Özünə yurd-yuva qurubdur, heyhat.
Ağlayan ümidin rəng çalarından,
Libas da tikdirib amansız həyat.
15.09.2018
Kayıt Tarihi : 15.9.2018 09:34:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!