Amane meni Şiiri - Sevinc Arzulu

Göy buludlar narın qarı ələyə,
Qar qız kimi məni ağa bələyə.
Neynəmişəm bilməm zalım fələyə,
Qoydu ox yerinə kəmanə məni.

Kim deyir ki mən bəxtimdən yarıdım,
Qəm ipini kələf-kələf sarıdım.
Gənc yaşımdan qüssə çəkdim.qarıdım,
Tez qocaltdı nədən zəmanə məni.

Azalsın kədərim,azalsın ahım,
Toy-şənlik gətirsin gələn sabahım.
Ay Allah,yanında varsa günahım,
Bağışla bir anda,amanə məni.