Alır, ezizim. Şiiri - Sevinc Arzulu

Bənövşə kolunu qoparıb getdin,
Torpağı xəyala dalır, əzizim.
Vüsalı özünlə aparıb getdin,
Ayrılıq mənimlə qalır, əzizim.

Hələ dolmayıb ki vəslin səhəngi,
Sevgiylə vurmayır qəlbin ahəngi.
Sən hardan biləsən həsrətin rəngi,
Qaradan yaşıla çalır,əzizim.

Sevgiyə qan verib, qan alan zaman,
Həmişə pislikdə danlanan zaman.
Gözümün önündə canlanan zaman,
Ağlımı başımdan alır,əzizim.