Alım, a dünya Şiiri - Sevinc Arzulu

Vurub sökdün qəlb evinin himini.
İndi bədbəxt edəcəksən kimini,
Niyə oldun belə zalım, a dünya.

Dağılıbdır o möhtəşəm cəlalım,
Daha uçmur uzaqlara xəyalım.
O qədər çəkmişəm dərdi-məlalı,
Çətin xoş fikirə dalım, a dünya.

Axmaz belə nə Kür, nə də Həkəri,

Yaman qırdın ürəyimin simini,
Geriyə fırlanmaz çərxin təkəri.
Qalmayıbdır heç şirini,şəkəri,
Nədən acı dadır balım, a dünya.

Kimisinin bəxt quşunu uçurtdun,
Kimisini yuvasından köçürtdün.
Kimisinin qismətini qaçırtdın,
Kədərdən dil açar lalım, a dünya.

Sevincəm, sonsuzmu əbədiyyətim,
Bəllidir hamıya səmimiyyətim.
Ürəkdə qalmasın arzum, niyyətim,
Həyatdan kamnımı alım, a dünya.