Alagöz deyirem Şiiri - Sevinc Arzulu

Kədərindən eh, mənə nə,
Göz yaşlarım şeh, Çənə nə.
Ayaqlarım cəhənnəmə
Əllərimi çöz deyirəm.

Bu dünya bir dəvədi, get,
Səhra sarı gəbədi, get.
Söyləmirəm əbədi get,
Həsrətimə döz deyirəm.

Dərdlə, canım, qurtarmışam,
Hicri danıb qurtarmışam.
Sanma yanıb qurtarmışam,
Işıltıma köz deyirəm.

Yaxına gəl, olaq tanış,
Demə ayrılıqla barış.
Fikirlərim qarmaqarış,
Zikirimə söz deyirəm.

Muradına çatmaq olar,
Kölgəsində yatmaq olar.
Gözlərində batmaq olar,
Onçun alagöz deyirəm.