Alacağam men Şiiri - Sevinc Arzulu

Baş əyib Tanrının ədalətinə,
“Yox”deyib fələyin ədavətinə.
Qapılıb dünyanın ətalətinə,
Sənsizlik himnini çalacağam mən.

Itirib bahalı qaş-daşlarımı,
Qeyb edib istəkli qəlbdaşlarımı.
Silərək tökülən göz yaşlarımı,
Təkliyin dərdinə qalacağam mən.

Fələk bir gör neçə ocaq söndürüb,
Kədər fərəh hissin qəlbdə dondurub.
Zalımın pisliyin odda yandırıb,
Sənin qisasını alacağam mən.

Oyanıb qapının “Salam”zənginə,
Bürünüb dünyanın qəm ahənginə,
Bələnib sevginin qüssə rənginə,
Əbədi xəyala dalacağam mən.

Həsrəti tuşlanan bir ox bilmirəm,
Zalım fələk acmı ya tox, bilmirəm.
Ürəyində varam ya yox, bilmirəm,
Yolumu köksündən salacağam mən.