Subh-dem her gice ağyar ile ol yâr oturur
Dest-bâzî kılub ağyâr ile oynar oturur
Âh kim ol câme-i hâb içre düşmânlar ile
Gör ki ben miskîn her gice ki bî-yâr oturur
‘ Ümerâ sasflarını Âsaf-ı devrâna koşub
Karaman fethine Süleymân-ı zamân
Sâhib-i kal’ a-küşây Ermanakun kal’ asını
Kahr ile kal’ idüben konı hemîn aldı hemân
Ey fitnesi çok kavli yalan yandum elünden
fifr nâz ile bin gonül alan yandum elünden
Sen şem' gibi gayr ile meclisde gülersin
Ben akıduram yaş ile kan yandum elünden
Feryâd ü nâlem işidüb ey yâr kaçma gel
Yiğitsin alma âhumı zinhâr kaçma gel
Gönlüm evin yıkub gider ol yâr-ı seng-dil
Ardınca çağırur der ü dîvâr kaçma gel
Gözüni süzme bîmâr öldürürsin
Saçın çözme giriftar öldürürsin
Begüm bir bûseyi bin câna satma
Ko bâzârı harîdâr öldürürsin
Ey muhît-i keremün katresi ‘ ummân-ı kerem
Bâğ-ı cûd ebr-i kefünden tolu bârân-ı kerem
Matla’ -ı subh-ı zafer mihr-i zekâ ebr-i hayâ
Felek izz ü ‘ alâ dâver-i devrân-ı kerem
Dil ki gözün sihrine meftûn değil
Sengdür ol kaabil-i efsûn değil
Didi görüb Leyli'yi bir müddeî
Bu hod igen çâpük ü mevzûn değil
Bî-dilem dilsitândan ayrıldum
Âh ki ârâm-ı cândan ayrıldum
Eşiği hasretinde hâk olsam
Yiridür ki âsumândan ayrıldum
Bir dil mi kalmışdur bu tîr-i gamzeden kan olmamış
Bir cân mı vardur ol keman ebruya kurbân olmamış
Şol ömr kim sensüz geçer ol ömr zâyi ömr imiş
Bir cân k'anun cânânı yok ol cân dahi cân olmamış
Bu şaire henüz hiç kimse yorum yapmadı. İlk yorum yapan sen ol!