Âh kim derd ile oldum mübtelâsı Hurrem’üñ
Düşdi nâgeh göñlüme zülfi hevâsı Hurrem’üñ
‘Îd-i vaslı şevkı içün rûze-i ğam çekmişem
Tâ nasîb ola déyü bir merhabâsı Hurrem’üñ
Sarmaşup her şeb kuçar ol serv-kaddi al ile
Néce nâzügdür görüñ gül-gûn kabâsı Hurrem’üñ
Ne sorarsın kandadur déyü göñül Âb-ı Hayât
Mürdeye yetmez mi la‘l-i cân-fezâsı Hurrem’üñ
Olmağ isterseñ cihân içinde ÂHÎ pâdişâh
Sa‘y édüp var ol éşiginde gedâsı Hurrem’üñ
Kayıt Tarihi : 10.5.2016 15:42:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!