Cemâlüñ şem‘-i tâbıyla yanan dillerde dağ olmaz
Gözüñ bîmârı olan dil ölür derd ile sağ olmaz
Yüzüñ mehtâb-ı şevkından ne tañ olsa géce gündüz
Cemâlüñ şem‘-i rûşendür aña beñzer çerâğ olmaz
Dédüm cânâ ‘izâruñda neden yok zülf-i hüsn-ârâ
Dédi gülzâr-ı Cennetdür cemâlüm anda zâğ olmaz
Görüp ârâyiş-i hüsnüñ al-i la‘lüñe sögmeye
Kaçan kim şehr donansa mey içmege yasağ olmaz
Be ÂHÎ üstine bir gün doğar gün gibi ol meh-rû
Yigitsin çünki başuñdan senüñ devlet ırağ olmaz
Kayıt Tarihi : 9.5.2016 16:26:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!