Él yapar göñlüm evini benüm ol şâh yıkar
Kimse yapmaz ebedî anı ki Allâh yıkar
Yalıñuz çarha tokunmaz benüm âh-ı seherüm
Néçe zâlimler evin âh-ı sehergâh yıkar
Dergeh-i hüsnüñe yasdanma ğurûr ile igen
Ki seher âh-ı ğarîbüñ der-i dergâh yıkar
Âh-ı ‘âşık irişür hüsnüñüñ âyinesine
Sakın éy şâh sakın memleketüñ âh yıkar
Saña ne ortada ÂHÎ göñül ol şâhuñdur
Kendü mâlik evine gâh yapar u gâh yıkar
Kayıt Tarihi : 9.5.2016 16:15:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!